Kurt Nilsen og co

Verð að deila einu með ykkur. Raggi fékk geisladisk í afmælisgjöf frá systur minni og hennar manni. Hvorki meira né minna en sér-innfluttur fyrir Ragga  Þetta mun vera diskur sem ekki fæst hér á landi en með tónlist sem við hjónin höfum fengið að njóta heima hjá fyrrnefndri systur minni  Á diskinum syngja saman á tónleikum fjórir norskir gaurar og þeirra á meðal fyrir þá sem til þekkja er Kurt Nilsen (með frekjuskarðið), sá er vann alheims-Idolkeppnina um árið. Nema hvað, að við erum búin að brenna tvö eintök, eitt í hvorn bíl þannig að þá er orginalinn klár í græjunum heima og þannig getum við gólað okkur hás í bílunum báðum. Ef ég væri á góðærisbankastjóralaunum fengi ég ekki Elton John til að koma og spila í afmælinu mínu. Ég fengi þessa fínu norðmenn. Og hananú.

Ég fann eitt gott tóndæmi á youtube og ákvað sem sagt að deila því með ykkur:

http://www.youtube.com/watch?v=MPl01GRU2Zw

 

Athugasemdir

[Didda pidda (IP-tala skráð) 13.1.2009 kl. 11:22]

Vá hvað þetta er flott!

Fyllir mann skelfilegum vanmætti að taka eftir að þetta geta þeir samankrepptir í stólunum og gefur lítið fyrir það sem ég lærði í framburði á síðustu önn, líkamsstaða skiptir sem sagt máli fyrir þá sem hafa venjulega rödd en svona snillingar æla þessu út úr sér bognir í baki með klesst lungu og hangandi haus.

Takk fyrir mig.

[Didda (IP-tala skráð) 13.1.2009 kl. 11:24]

Talaði við Kurt áðan og þar sem hann er frændi minn tekur hann ekkert fyrir að koma í afmælið þitt, hvenær á hann að mæta?

[Hrund Traustadóttir, 13.1.2009 kl. 16:38]

Æ takk Didda, alltaf hægt að stóla á þig

Nákvæmlega það sama og ég tók eftir, samankrepptir í stólunum að syngja eins og ekkert sé... Segir örugglega margt um muninn á þeirra getu versus okkar

[Helga Sigríður Úlfarsdóttir, 13.1.2009 kl. 22:46]

geðveikir - hvernig var með mitt eintak

[Hrund Traustadóttir, 13.1.2009 kl. 23:03]

Þú færð það þegar þú ferð með mér í Smáralind að kaupa skó

[Helena (IP-tala skráð) 14.1.2009 kl. 14:49]

Vaaá bilaðislega flottir gaurar uh raddlega séð. Er ekki frá því að þeir slái Ormson eða Lumex (eða hvað þeir hétu þarna íslenska boybandið) út. Hækkaðu aðeins meira í græjunum heima hjá þér ja eða í bílnum og þá heyrist þetta kannski yfir til mín. Er enn með gæsahúðina (sit reyndar við opinn glugga) en nú ætla ég að setja þetta aftur á fóninn (hvað sem það nú er) til að tryggja að gæsahúðin fari ekki.

Luv Helena

[Ásta (IP-tala skráð) 14.1.2009 kl. 17:10]

Já flottir! Og mikið var nú vinalegt að sjá nafnið þitt á heilsíðu auglýsingu fyrir Sólskinsdrenginn í dag:) Knúz

[Helga Sigríður Úlfarsdóttir, 14.1.2009 kl. 20:02]

Gellan - bara orðin heimsfræg á Íslandi í dag  Má maður snerta????

Veit, veit, ég er bara afbrýðisöm - myndi samt varla höndla slíka frægð - enda feimin og hlédræg með eindæmum...............

[Helga Sigríður Úlfarsdóttir, 14.1.2009 kl. 20:03]

bíddu já skóleiðangur - ekki málið - any time my dear - (svolítið lengi að fara í gang fattarinn)