Hrund Traustadóttir

30.9.2008 | 20:01

80´s og Flashdance - what a feeling!

Já, dansinn dunaði í Kópavoginum í gær LoL Fór í fyrsta danstímann og get ekki sagt að ég hafi upplifað sjálfa mig sem tígulegan dansara með mýkt í hreyfingum Tounge Það vantaði bara talsvert upp á samhæfingu og tilfinningin var meira svona ósamhæfð belja á svelli Grin (Ekki það að mikið sé til af samhæfðum beljum á svelli, en maður veit aldrei) En hrikalega gaman, maður minn. Bara að forðast spegilinn og augnkontakt við vinkonurnar og þá um leið óstöðvandi hlátursköst og þá kemur þetta LoL Það er líka ekki alveg laust við að strengir geri vart við sig í dag, klósettsetan er ekki að gera mér neina greiða þar sem strengirnir eru verstir aftan á lærunum Tounge

Af mér á hlaupum er lítið að frétta þar sem mín veiktist í síðustu viku og ég hef bara ekki náð mér almennilega á strik til að byrja að hlaupa aftur Blush Get samt ekki beðið...

Á föstudaginn liggur leiðin á Reunion hjá útskriftarárgangi ´88 úr Seljaskóla. Ég og mínir gömlu skólafélagar höfum legið í hlátursköstum yfir ljósmyndum frá þeim tíma á fésbókinni Grin Áður fyrr hálfskammaðist ég mín fyrir að hafa verið unglingur að eltast við þessa tísku á sínum tíma en í dag lít ég eiginlega meira á það þannig að ég sé heppin að hafa verið hluti af þessu fyrirbæri Alien Það er sagt að tískan gangi alltaf í hringi en neeei, ég hugsa að þessi tíska komi aaaaldrei aftur LoL Í dag má sjá tískustrauma sem rekja má til ´80 áranna en það er ekkert eins og þetta var, maður minn. Við erum að tala um það að fermingarfötin mín samanstóðu af hvítum kjólfötum sem mamma saumaði, appelsínugulri silkiskyrtu sem mamma saumaði að sjálfsögðu líka, hvítum mokkasíum og appelsínugulri, skósíðri kápu úr skrjáfefni með axlapúðum sem hvaða amríski fótboltakappi væri hreykinn af Tounge Greiðslan var auðvitað við hæfi - toppur beint upp í loft og vængir í hliðum. Þarf ég að segja meira?