Kjánahrollur

Þvílíkur kjánahrollur sem lagðist yfir mig þegar ég horfði á fréttirnar af látunum við Lögreglustöðina í gær  Hvað var fólk að gera sig að fíflum með þessum hætti? Ráðast inn í Lögreglustöðina og "frelsa" "píslarvottinn"? Er ekki allt í grænum sjó? Maðurinn braut lög og þarf að taka út refsingu fyrir það, punktur og pasta. Þetta er atvinnumótmælandi sem myndi sjálfsagt alltaf mæta á staðinn svo framarlega sem einhver mótmæli væru í gangi, í þeim einum tilgangi að vera með uppsteyt og læti. Það er nákvæmlega þetta fólk sem er að koma óorði á mótmælin sem staðið hafa undanfarið. Skrílslæti eins og þessi verða eingöngu til þess að eyðileggja fyrir málstaðnum sem mér finnst sorglegt. Það er svo lítill hópur manna sem er með þessu að eyðileggja fyrir hinum.

Svo voru viðstaddir að kvarta yfir því að lögreglumenn hefðu brugðist of harkalega við  Halló! Ef ég ætti piparúða og stæði við hurðina mína þegar innbrotsþjófar brytu hana niður, myndi ég þá hika við að nota hann? Neeeei. Hvað áttu þeir að gera? "Svona, svona krakkar mínir, eigum við ekki að setjast niður og ræða málin?" Þarna voru bara aðstæður sem lögreglan var ekki að ráða við og því notuðu þeir þetta ráð til að dreifa liðinu. Fullkomlega rökrétt að mínu mati.

Og hvað er þetta með að fela andlit sín? Skammast fólkið sín fyrir málstaðinn? Eða skyldi það skammast sín fyrir aðferðirnar sem notaðar eru?

Kjánahrollurinn náði svo hámarki þegar tekið var viðtal við "píslarvottinn" og hann hettuklæddur með andlitið falið en neðst á skjánum stóð: Haukur Hilmarsson   

Fanganum sleppt

Athugasemdir

[Árni R, 23.11.2008 kl. 13:41]

Gæti ekki verið meira sammála þér

[Þórður Ingi Bjarnason, 23.11.2008 kl. 14:06]

Sammála þér, þessir aðilar sem brjóta lög eiga að fara bak við lás og slá og almenningur á ekki að vera mótmæla vinnu lögreglu.  Lögreglan vinnur oft við mjög erfiðar aðstæður og þegar ráðist er að lögreglu þá að sjálfsögðu notar hún piparúða. 

[J. Einar Valur Bjarnason Maack , 23.11.2008 kl. 14:27]

*væl*

[Didda (IP-tala skráð) 23.11.2008 kl. 14:48]

Hörður Torfa féll á prófinu í gær, þegar hann hvatti fólk til að mótmæla handtökunni, sami maður og laugardeginum áður hvatti fólk til að sýna stillingu þetta væru friðsamleg mótmæli.

sá á visi að Haukurinn talaði um að hann væri í "eðli" sínu á móti því að greiða sektina síðan á Reyðarfirði.  Hvaða eðli er hann að tala um móteðlið?

það er fullkomnlega löglegt og réttmætt að mótmæla en ef fólk fer yfir strikið, brýtur lögin þá verður það að taka afleiðingunum, þótt það í eðli sínu sé ekki sammála refsingunni.

Farsi allt saman og mjög leiðinlegt að þessi eini maður fái alla þessa athygli...........og vá hví er ég að eyða tíma mínum í að ræða þennan mann.  Stríðir gegn eðli mínu að ræða frekar svona vitleysu

[Helga Sigríður Úlfarsdóttir, 23.11.2008 kl. 22:53]

Dittó - gæti ekki verið meira sammála - ég stóð upp úr sófanum á meðan fjallað var um atburðinn - leið eins og ansa...... skammast mín fyrir þetta fólk

[J. Einar Valur Bjarnason Maack , 24.11.2008 kl. 01:04]

Já, ég skammast mín fyrir þær lyddur sem kalla sig Íslendinga og þykjast stoltir af frelsinu sem við höfum búað við og er ekki reiðubúið að berjast fyrir því.

[Kristín Bjarnadóttir, 24.11.2008 kl. 16:14]

nei ég er kölluð Didda, ekki lydda

[Hrund Traustadóttir, 24.11.2008 kl. 17:50]

Það að ég sé ekki tilbúin til að mæta niður í bæ með trefil fyrir andlitinu og brjóta rúður, henda eggjum og sorpi í hús og vera með svívirðingar í nafni "málstaðarins" þýðir sem sagt að ég sé bara að "kalla mig" íslending?  Þeir sem þetta gera eru þeir einu sem stoltir geta kallað sig íslendinga? Hvað er það?  Hjákátlegt.

Didda Lydda

[J. Einar Valur Bjarnason Maack , 24.11.2008 kl. 23:53]

Allt í lagi. Pacifismi er alveg ágætur, en ekki sérlega effectívur.

[Ásta (IP-tala skráð) 25.11.2008 kl. 21:24]

Já skrílslætin voru til skammar og til að eyðileggja málsstaðinn algjörlega.  Það er alltaf þannig í mótmælum alveg sama hvernig þetta fer fram þegar fólk er að mótmæla þá man ég ekki eftir mótmælum sem hafa borði árangur. Eða mótmælum án þess að fíflin þurfi að gera sig sýnileg á einhvern skammarlegan hátt.

[J. Einar Valur Bjarnason Maack , 25.11.2008 kl. 21:44]

Þarna...

...þið vitið að seinni mótmælin tengjast bara kreppunni óbeint, þetta voru mótmæli gegn því að ríkislögreglan (þ. GESTAtsPOlizei) geti kippt fólki af götunni vegna gamalla mála án þess að fara eftir löglegum leiðum, ekki gegn efnahagsástandinu og þeirri ríkisstjór, seðlabankastjórn og þeim auðhringjum sem komu okkur í það ástand.

Víst það var svona acút að setja HH inn, hversvegna er ekkert gert í þeim 300 föngum sem nú bíða vistunar, oft fyrir alvarlega glæpi svosum barnaníð, nauðganir, líkamsárásir et al?

Því þetta var gagngert framkvæmt til þess að búa til þessi vandræði.

Eins get ég sagt ykkur, ég var fyrstur þarna uppeftir (fór þó ekki inn á stöð) og bæði Geir Jón Þórisson og Stefán Eiríksson hafa gerst sekir um það að ljúga fullum hálsi í fjölmiðla um þetta gjallarhorn sem ku hafa eyðilagst, því enginn mætti okkur við dyrnar, enginn svaraði þegar var búið að banka á hurðina í 30 mínútur og að lokum sauð uppúr hjá nokkrum einstaklingum. Lögreglan hefði getað kælt málið niður og losnað við þessi vandræði með því að a) tala við fólkið áður en það fór að berja og sparka í hurðina b) tala við fólkið áður en það fór að berja og sparka í hurðina og c) tala við fólkið áður en það fór að berja og sparka í hurðina.

Ég hygg að þetta hafi verið snilldarleikur runninn undan rifjum hernaðarnorðmannsins sem ráðleggur valhöfum nútildags, vissulega dró þetta athyglina frá fyrri mótmælum dagsins og virkar máské skemmandi fyrir þann málstað, en þessi mótmæli snérust ekki um efnahaginn heldur ÓLÖGLEGA HANDTÖKU. Þar liggur hundurinn grafinn. Auðvitað var efnahagsástandið olía á eldinn, en ég get sagt ykkur að valdshroki og fáskipti lögreglunnar (sem beið þar til sauð uppúr) bera meiri sök á þessum litlu óeirðum en nokkuð annað.

En það er alveg ótrúlegt hvað lögreglumenn, sem sjálfir eiga fjölskyldur og hafa sín lán og skuldir til þess að greiða af láta niðurlægja sig í sífellu með því að hlýðnast skipunum sem aðeins hundar annars hlýddu. Mín samúð liggur hjá óbreyttum lögregluþjónum sem máské voru hræddir um líf sitt...

...en hví komu þessir 100 lögreglumenn framfyrir og vernduðu einhvern yfirmann lögreglu sem hefði getað ávarpað hópinn og við öll sloppið við að greiða þessa smáupphæð sem þessi hurð kostar?

Og víst þessi hurð var ykkur svona verðmæt, afhverju úthrópið þið ekki þá alvöru glæpamenn sem hafa stolið skattrentu ykkar og næstu kynslóða sem skemmdarverkamennina sem þeir eru?

Þið eruð að láta slá ryki í augun á ykkur, svo einfalt er það.

[Kristín Bjarnadóttir, 25.11.2008 kl. 23:44]

gott að sjá þína hlið á málinu Einar, leiðindamál út í gegn.

eitt orð sem ég skil ekki en það er pacifismi?  viltu útskýra fyrir mér?

[J. Einar Valur Bjarnason Maack , 25.11.2008 kl. 23:53]

Pacifismi myndi helst þýðast á Íslensku sem friðarstefna og Pacifistar, þeir sem aðhyllast þá stefnu friðarsinnar...

...sem samt sem áður nær ekki hugtakinu í heild sinni, það er hver skynsamur einstaklingur á móti stríði, en það þýðir ekki að sá einstaklingur sé á móti uppreisn gegn e-m valdhöfum, jafnvel með valdi ef nauðsyn krefur. 

Svo er þetta spurning um skilgreiningar...