Hvað er að?

Heldur þetta fólk virkilega að svona rugl verði til þess að fá ráðherra ríkisstjórnarinnar til að hlusta á sig? Vááááá hvað það er rangur misskilningur. Þetta er bara lið sem langar í smá læti og þarna fá þau einhverja útrás sjálfsagt fyrir þá löngun. Og athygli.

Rugl.

Átök við Ráðherrabústaðinn

Reglur

Þegar ég var búin að vinna í dag sá ég á símanum mínum að mamma vinar hans Birkis hafði verið að reyna að ná í mig. Þegar ég hringdi í hana til baka sagði hún mér að hún hefði rekið augun í Birki á vappi fyrir utan húsið sitt. Þegar hún fór að athuga betur með hann var hann búinn að koma sér fyrir í litlum trékofa sem þau eru með í garðinum. Aðspurður sagðist hann vera að bíða eftir syni hennar en þeir höfðu farið tveir saman til þriðja vinarins. Þar eru komnar nýjar reglur í gildi þannig að það fær aðeins einn vinur að koma inn. Þannig að Birkir hefur þurft að snúa sneyptur við þar sem hinir tveir fóru inn fyrir og kom sér svo fyrir utan við hús hins vinarins til að bíða eftir honum þar sem hann vissi að vinurinn sem átti heimilið með reglunni átti að fara í tónskóla síðar um daginn. Um leið og mamman gerði sér ljóst að Birkir væri að bíða eftir syni hennar var honum boðið inn og þar sat minn og horfði á Simpsons í góðu yfirlæti þegar ég hringdi síðan í hann og ég sótti hann med det samme.

Hvað gengur fólki til með svona reglum? Ekki dytti mér í hug að setja slíka reglu þar sem hún hefur alla vega tvo hluti í för með sér; í fyrsta lagi þarf einn særður drengur að snúa við í dyrunum þar sem hann er ekki velkominn, í öðru lagi set ég barnið mitt í þá aðstöðu að þurfa að gera upp á milli vina. Úff. Vanhugsað, en ég þyrfti ekki að hugsa þetta í eina sekúndu, mér dytti þetta ekki í hug.

 

 

 

 

 

Birkir úti að borða á Spáni í sumar. Fékk vatn í glas á fæti

Voru allir dýralæknarnir uppteknir?

Jahá. Og við íslendingar sitjum uppi með dýralækni í fjármálaráðherrastólnum  Það er auðvitað rökrétt er það ekki???? Og Seðlabankastjórinn okkar er pólitískt ráðinn  Það er auðvitað rökrétt er það ekki???  Úff, mér verður illt

Obama velur fjármálaráðherra

Kjánahrollur

Þvílíkur kjánahrollur sem lagðist yfir mig þegar ég horfði á fréttirnar af látunum við Lögreglustöðina í gær  Hvað var fólk að gera sig að fíflum með þessum hætti? Ráðast inn í Lögreglustöðina og "frelsa" "píslarvottinn"? Er ekki allt í grænum sjó? Maðurinn braut lög og þarf að taka út refsingu fyrir það, punktur og pasta. Þetta er atvinnumótmælandi sem myndi sjálfsagt alltaf mæta á staðinn svo framarlega sem einhver mótmæli væru í gangi, í þeim einum tilgangi að vera með uppsteyt og læti. Það er nákvæmlega þetta fólk sem er að koma óorði á mótmælin sem staðið hafa undanfarið. Skrílslæti eins og þessi verða eingöngu til þess að eyðileggja fyrir málstaðnum sem mér finnst sorglegt. Það er svo lítill hópur manna sem er með þessu að eyðileggja fyrir hinum.

Svo voru viðstaddir að kvarta yfir því að lögreglumenn hefðu brugðist of harkalega við  Halló! Ef ég ætti piparúða og stæði við hurðina mína þegar innbrotsþjófar brytu hana niður, myndi ég þá hika við að nota hann? Neeeei. Hvað áttu þeir að gera? "Svona, svona krakkar mínir, eigum við ekki að setjast niður og ræða málin?" Þarna voru bara aðstæður sem lögreglan var ekki að ráða við og því notuðu þeir þetta ráð til að dreifa liðinu. Fullkomlega rökrétt að mínu mati.

Og hvað er þetta með að fela andlit sín? Skammast fólkið sín fyrir málstaðinn? Eða skyldi það skammast sín fyrir aðferðirnar sem notaðar eru?

Kjánahrollurinn náði svo hámarki þegar tekið var viðtal við "píslarvottinn" og hann hettuklæddur með andlitið falið en neðst á skjánum stóð: Haukur Hilmarsson   

Fanganum sleppt

Gælunöfnin þekkt?

Voru þetta þá góðkunningjar lögreglunnar?? Á fimmtánda ári? Hvað er í gangi?  Veruleikafirringin er algjör. Þeir eru bara að leika sér að því að ráðast á drenginn og berja hann í klessu, og fjórði tekur upp á video þar sem það er auðvitað svo gaman fyrir okkur hin að horfa á, er það ekki? Þessir drengir eiga yfir höfði sér einhverra ára fangelsisdóm og eru með þessari "skemmtiathöfn" búnir að eyðileggja líf sitt því í rauninni eru afleiðingarnar verri fyrir þá en fórnarlambið sem virðist hafa komið nokkuð heill út úr þessu líkamlega alla vega.

Æ hvað ég vona að mínir drengir komi til með að sleppa frá svona uppákomum

Gerðu myndband af líkamsárás

Bjargar marijúana börnum?

Ég er svo hjartanlega sammála henni Pamelu vinkonu minni um að vana eigi barnaníðinga. Fyrst þeir geta ekki notað náttúruna á heilbrigðan hátt hafa þeir ekkert með þessa "náttúru" að gera. Og hananú. Fyrir nokkrum árum síðan þegar kunnur barnaníðingur var mikið í umræðunni kom uppástunga að mig minnir í Reykjavík síðdegis frá manni sem stakk upp á því að þessum "manni" yrði sleppt lausum uppi á Vatnsenda og gefið yrði frítt veiðileyfi. Vá, hvað ég var sammála honum.

En að hinu, hvernig getur hún Pamela komist að þeirri niðurstöðu að marijúana bjargi börnum?? Hún sem er svo klár hún Pamela

Vill lögleiða marijúana og vana kynferðisglæpamenn

DHL-um liðið eitthvert far far away

Mér finnst þetta góð hugmynd. Það ætti að kynna hana fyrir stjórn Seðlabankans, Ríkisstjórninni og Fjármálaeftirlitinu

Fangi slapp í pósti

Hvar er fjármálaráðherra?

Hvar hefur fjármálaráðherra haldið sig frá því bankarnir féllu? Það fréttist af honum tala við Alistair Darling en síðan hefur maðurinn hvorki heyrst né sést. Skyldi hann vera týndur eða...? Það ríkir fjármálakreppa á landinu og fjármálaráðherra er hvergi sjáanlegur?! Af hverju var hann ekki á þessum blaðamannafundi? Ég veit að hann er dýralæknir en eitthvað hlýtur maðurinn að vita um fjármál? Og þó, kannski ekki. Þetta finnst mér nefnilega svo skrýtið. Af hverju er t.d. Menntamálaráðherra ekki með grunnmenntun frá KHÍ? Eftir hverju er farið þegar raðað er í ráðherraembætti? Maður hefði haldið að svipað og með önnur störf og jafnvel enn frekar, þá þurfi maður að búa yfir grunnþekkingu á þeim málum sem maður er að fara að starfa með? Ég t.d. menntaður leikskólakennarinn fengi sennilega aldrei vinnu sem pípari eða lögfræðingur. Held ekki alla vega, ég ætti kannski að prófa að sækja um starf sem ég hef hvorki reynslu eða þekkingu á? Það virkaði fyrir Árna  Hann ætti að vera öllum hnútum kunnugur í fjósinu þegar beljurnar bera, og er væntanlega fær í að sjúkdómsgreina dýr og meðhöndla, en hvar er fjármálareynslan, menntunin og þekkingin? Eins er með Þorgerði Katrínu. Þarf Menntamálaráðherra ekki að hafa grunnþekkingu á þeim málefnum sem hann starfar að?

Mér finnst þetta svolítið segja mér hvernig staðið hefur verið að málum við embættisveitingar. Vinir og vandamenn eru þeir sem fá embættin, en ekki þeir sem hæfastir eru til þeirra.

Ný greiðslujöfnunarvísitala tekin upp

Jól í skugga kreppu

Í fyrstu vikunni í desember verða tvennir jólatónleikar Kvennakórs Reykjavíkur. Það er því dágóður tími síðan maður fór að raula jólalög  Sem er gott. Held að ég taki líka jólaljósin fyrr fram í ár en venjulega. Aðeins að mýkja stemninguna. Mér og strákunum mínum verður þessa dagana alltaf starsýnt á einn gluggann í götunni hjá okkur. Um síðustu helgi fékk einhver skreytingabrjálæðingurinn þvílíka útrás á þessum glugga. Það er ekki pláss fyrir frímerki á honum fyrir seríum sem allar blikka í öllum regnbogans litum. Það er auðvitað hægt að missa sig í öllu. Þessi hefur alla vega ákveðið að styrkja Orkuveituna þessi jólin. Aldrei að vita nema hún líði skort eins og aðrar stofnanir sosem.

Hvernig ætli jólin verði í ár? Skyldi fólk halda jól eins og það hefur gert undanfarin ár? Ætli maður eigi eftir að upplifa brjálæðið sem einkennt hefur verslunarmiðstöðvar borgarinnar síðustu daga fyrir hátíðar? Veit ekki. Jólin á mínu heimili verða ekki þau sömu. Það er ekkert annað að gera en að halda fast í veskið þessa dagana. Maður veit ekkert hvar eða hvenær þetta ástand endar hér á stórasta landi í heimi.

Birkir situr um okkur pabba sinn þessa dagana og les upp úr Nýja testamentinu fyrir okkur. Kannski viðeigandi miðað við allt og allt?

Fann gleðina :)

 

 

 

 

 

 

 

 

 

 

Fyrir þá sem vantar smá gleði í líf sitt þessa dagana er alveg bráðsnjallt að kíkja inn á vef Baggalúts; www.baggalutur.is Þeir eru snillingar að mínu mati