Vanagangurinn...

Hrund! Þarna gómaði ég þig! Kallaði tannlæknirinn minn til mín þar sem hún "gómaði" mig að vera að skoða nammiúrvalið í Bónus  Engar skammir samt, það var ekki að ástæðulausu að hún var sjálf stödd í nammideildinni...

Hver annar en yours truly myndi týna símanum sínum í Bónus? Var komin út úr búðinni þegar ég uppgötvaði mér til óþæginda að síminn hvar hvorfinn. Fór inn aftur með samþykki starfsmanns þar sem búið var að loka sjoppunni  Fann hann í frystinum hjá súpukjötinu, vel kældan.

Er annars byrjuð að vinna aftur og er enn að komast í gang. Orkan búin í lok dags. Þannig að ég nota það auðvitað sem afsökun fyrir svona hlutum  Þar til ég get það ekki lengur, þá þarf ég að finna upp á nýrri

Boratbrókin = heit lumma

Þetta eru auðvitað svo sérlega klæðilegar brækur svo maður getur svo sem skilið það að þær seljist eins og heitar lummur...  Kannski spurning um að íslensku júdókapparnir fari að skipta út gömlu búningunum?

Breskur afreksmaður á brókinni

Tímaþjófurinn

Ástæðan fyrir því að ég hef ekki skrifað neitt hér inn í háa herrans er sú að Facebook vefurinn tekur nánast allan minn tíma á vefnum  ég er búin að vera svo upptekin við að senda knús og kossa út um allar trissur, nudd, bjór, kaffi og ég veit ekki hvað og hvað. Svo ég tali ekki um öll þessi fínu próf sem hægt er að taka þarna. Það þarf víst ekki að koma neinum á óvart að í "Friends" persónuleikaprófinu er minn persónuleiki líkastur Rachel Green  og í "Sex & the city" prófinu er ég Samantha Jones  Poppstjarnan sem ég "líkist" mest er síðan Beyoncé. Svo setti ég ljósmynd af mér í svona "FaceDouble" dæmi þar sem ég á að finna tvífara minn á netinu og það er auðvitað Jessica Simpson  Þetta eru auðvitað allt vísindalega unnin próf, þarf víst varla að taka það fram   En það er skemmtilegt að vera á þessum vef og finna gömlu vinina og skólafélagana, þetta er sniðugt en aaaalgjör tímaþjófur

Facebook.com aldrei vinsælli

Hjónaherbergis-salerni eða hjónasalernisherbergi?

Sá þessa mynd fyrir nokkru á fasteignavef mbl.is og datt í hug að deila henni með ykkur  En smart hönnun, ha? Ekkert eins notalegt þegar maður situr á dollunni á morgnanna að geta blikkað elskuna sína í rúminu í leiðinni

Svo ég tali ekki um ef maður þarf að stökkva fram úr rúminu til að æla  með rassinn klesstan við glerið, hehe.

Heppin að vera fríð...

Mikið er hún Angie heppin að vera svona andlitsfríð - með þessar varir  Það hefði ekki komið eins vel út ef hún hefði verið ófríð geyið. Þá hefði hún mögulega getað reddað sér giggi í Disneyworld sem kærasta Andrésar andar og myndi ekki einu sinni þekkja Brad Pitt og þá ætti Jen elskuna sína í friði fyrir BIGlips  Ekki það að ég sé obsessed sko. Ég hélt bara alltaf með henni Jennifer  Ég tek undir með Robin Williams sem sagði einu sinni um Angelinu að hann langaði helst að bleyta þessar varir og festa hana við e-ð  

Tvíburar „frumsýndir" á netinu