"Þegiði, það er verið að reyna að horfa hérna!"

Á ekki að flykkjast í bíó svo maður geti nú tekið undir með gömlu ABBA slögurunum?

Ég ætti ekki annað eftir  Ef mig grípur óviðjafnanleg löngun til að syngja þegar ég er í bíó þá kemst ég alveg yfir það án þess að æra nærstadda með góli mínu  Get vel setið á mér þar til heim er komið. Þar get ég spangólað að vild - strákarnir hlaupa þá bara út  Ef ég væri á svona Singalong sýningu er ég ekki viss um að ég gæti notið þess að horfa ef fólkið í kringum mig væri hvert af öðru að sleppa sér og syngjandi hástöfum, hver með sínu nefi

 "Youu are the dancing queeeen, feel the beat from the tamboriiiiiiine, óóójjjeeeeee"

Ábreiður af Abba-klassík á toppinn

Costa Del Reykjavík

Mikið lifandis skelfing var dagurinn í gær frábær Fleiri svona ha? Fórum í Indíánagil þar sem var svo heitt að ég dauðöfundaði þær sem höfðu haft vit á því að vera í bikini innan undir, strákarnir vaðandi út í ána og sitjandi undir fossunum. Yndislegt. Munaði engu að einn laxinn synti á þá Varð alla vega uppi fótur og fit við ána þegar fólk kom auga á einn vænan að hafa það notalegt í hylnum þar sem við sátum rétt við á teppi og höfðum það líka notalegt Krakkarnir gerðu sig líklega til að elta vininn uppi en þarf víst varla að taka fram að það var óþarfa bjartsýni

Ég hef víst ekkert val um hvaða útlit ég hef á síðunni minni, alla vega get ég ekki haft mitt upprunalega 

Nú styttist í mestu ferðahelgi ársins og við ætlum að halda okkur heima í félagsskap góðra vina  Er svo fegin að þurfa ekki að vera með áhyggjur af únglíngnum heldur. Það er kannski líka af því dregið hefur úr útihátíðarbransanum sem betur fer.

En þið hin, gangið hægt um gleðinnar dyr og keyrið varlega

Heiðardal(sel)urinn

Þá er maður kominn heim í kuldann og vosbúðina En alltaf gott að koma heim samt. Auðvitað bónus að Yvonne vinkona er á landinu, það er alla vega ekki verra

Á meðan við vorum úti barst tilkynning frá Reykjavíkurborg um að blokkin okkar fengi viðurkenningu frá borginni fyrir viðhald og snyrtimennsku Nema hvað? Ég hélt þeir ætluðu aldrei að fatta þetta

Hvað er þetta með auglýsingar í júlí um að nú sé rétti tíminn til að kaupa skólatöskur? Ég vil fá að vera í friði í sumarfríinu mínu með hugleiðingar um haustið og því sem fylgir Þetta er bara sumarfrísáreitni Maður er bara djollíkóla í sumarfríi og svo er því bara sisona slengt framan í mann að það styttist nú í að skólarnir byrji. EN ÞAÐ ER ENNÞÁ JÚLÍ OG ÉG ER Í SUMARFRÍI! Látið mig í friði með svona auglýsingar og leyfið mér að halda það í friði að það sé ekki bara rétt tæpur mánuður þar til fjörið byrjar 

Nú er mín búin að fá sér Tarot spil þannig að áhugasamir um lestur eru hvattir til að hafa samband Ég ábyrgist þó ekki útkomuna því ég kann ekkert á þetta whatsoever En gaman að pæla í þessu...

Ég vildi að ég væri eins og Helga vinkona að tala hér um það hvað ég er dugleg að hlaupa. Ég er nefnilega ekki dugleg að hreyfa mig punktur en voða dugleg að tala um það hvað ég vildi vera dugleg Verð bara að fara að gera e-ð í þessu greinilega svo ég geti farið að státa mig af dugnaðinum og kannski misst e-ð af kílóum í leiðinni Helga mín, passaðu þig bara. Fyrr en varði verð ég farin að mása ofan í hálsmálið á þér á hlaupunum

Erla tengda-amma á afmæli í dag 82 ára, geri aðrir betur

Sól sól skín á mig

Vedurstofan á Spáni spáir sól og meiri sól  Sunnanátt og 30+ st hiti og thurrt bjartvidri um allt land  Hér er talsverdur vindur í dag sem okkur finnst voda notalegt. Trúum ekki ad lidin sé vika sídan vid komum hingad, vid vaerum engan veginn tilbúin til ad fara heim eftir viku. Vid Andri skruppum til Afríku á mánudaginn og var tad lífsreynsla sem hvorugt okkar gleymir seint. Tetta var eins og ad stíga inn í adra veröld med magadansmeyjum og fólki ad flytja byrdar á asnakerrum.

Í dag er stefnan tekin á Mijas sem er thorp í fjöllunum hér fyrir ofan. Fram ad thví er og verdur legid vid sundlaugarbakkann med Sangria í annarri  

Lifid heil

Fremur þungbúið á landinu